PËRGATITI: KRENARE MULLIQI
Vetës i vuri një qëllim, të studionte pikërisht atë për të cilën ishte bullizuar për disa vjet.
Fatmir Menekshe, i komunitetit rom arriti të përfundojë studimet në gjuhën shqipe, pavarësisht diskriminimit nga bashkëmoshatarët e mësimdhënësit.
Megjithatë, derisa numri i fëmijëve të komuniteteve rom, ashkali e egjiptian që ndjekin arsimimin parashkollor është në rritje, ai për arsimimin e mesëm të ulët ka rënie.
Për këtë vlerësohet t’i kenë fajet institucionet, pasi që sipas rrjetit të OJQ-ve për Avancimin e të Drejtave të këtyre Komuniteteve, nuk ekziston trajtimi i barabartë.
Vetëm gjatë vitit të kaluar kjo organizatë ka evidentuar mbi 70 raste të diskriminimit ndaj këtyre tri komuniteteve jo shumicë.
