Shërbimi Klinik Universitar i Kosovës bën të ditur se në Klinikën e Kirurgjisë së Fëmijëve të Qendrës Klinike Universitare të Kosovë, për herë të parë u realizua me sukses thyerja (lithotrsipsia) laserike e gurëve në traktin urinar tek një fëmijë tre vjeçar.
Në njoftim thuhet se ky intervenim u realizua në bashkëpunim të ngushtë në mes të ekipës profesionale të Kirurgëve pediatrik të Klinikës së Kirurgjisë së Fëmijëve, Klinikës së Anesteziologjisë dhe me specialistë të Klinikës së Urologjisë.
“Klinika e Kirurgjisë së Fëmijëve tani në ambientet e Spitalit të ri të fëmijëve ‘Sheikha Fatima’ po vazhdon të zgjerojë gamën e shërbimeve intervente endoskopike me metoda minimale invazive, me qasje dhe pajisje bashkëkohore dhe kjo fal angazhimit e profesionalizmit të personelit të specializuar në këtë fushë”, thuhet në njoftim.
