Një person është arrestuar dje në Mitrovicë pasi dyshohet se ka shtënë me armë zjarri pas një mosmarrëveshje pronësore që kishte me vëllezërit e tij.
Sipas raportit të Policisë i dyshuari madje ka dëmtuar edhe dyert e hyrjes.
Tutje, Policia njoftoi se arma me një karikator të zbrazët është konfiskuar.
“Rr. Ilaz Dibrani, Mitrovicë Jugu 22.07.2025 – 10:30. Është arrestuar i dyshuari mashkull kosovar, pasi që i njëjti pas një mosmarrëveshje pronësore me vëllezërit e tij, ka dëmtuar dyert e hyrjes dhe ka shtënë me armë zjarri në drejtim të panjohur. Njësiti policor ka konfiskuar armën me një karikator të zbrazët. Pas intervistimit, me vendim të prokurorit i dyshuari është dërguar në mbajtje”, thuhet në raportin 24 orësh të Policisë së Kosovës.
