Kjo e premte do të sjellë mot stabil dhe kryesisht me diell në të gjithë vendin. Herë pas here mund të ketë ndonjë vranësirë të lehtë kalimtare, por pa reshje.
Në orët e para të mëngjesit pritet mjegull në disa zona të ultësirave, e cila do të zhduket deri nga mesdita.
Temperaturat minimale do të zbresin në 3°C deri 6°C, ndërsa ato maksimale do të ngjiten në 17°C deri 20°C. Moti mbetet i qetë, me erë të lehtë nga drejtime të ndryshme.
Fundjava do të jetë edhe më e ngrohtë e me diell temperaturat maksimale do të arrijnë deri në 22°C, duke krijuar kushte ideale për shëtitje dhe aktivitete jashtë.
Qetësia atmosferike do të dominojë gjatë gjithë fundjavës, me vetëm ndonjë vranësirë të lehtë në orët e pasdites.
