Në një artikull të Psychology Today thuhet se Tim Kasser, profesor në Knox College bashkë me shkencëtarë të tjerë socialë në të gjithë botën kanë gjetur se kushdo, prioriteti i të cilit është të jetë i pasur, i famshëm ose tërheqës, ka gjasa në mënyrë disproporcionale të jetë në ankth ose në depresion; të ketë marrëdhënie të pakënaqshme; të pijë duhan dhe alkool.
Tema rreth famës dhe pasojave të saj në shëndetin mendor, u diskutua edhe në emisionin “LIBERO” në ATV.
Psikologia Besarta Fazliu Shatri, potencoi se nuk ka njeri të famshëm që nuk ka çrregullime të shëndetit mendor, edhe nëse kanë arritur gjithçka që ata duan.
“Nuk ka njeri të famshëm që në mënyrë konsistente nuk e ka nevojën për mbështetje psikologjike… vet fakti që ata kanë nevojë për këtë gjë domethënë tregon që janë të disbalancuar… edhe nëse e kanë arritur komplet kulmin e asaj që ata duan pashmangshmërisht kanë me u ataku me çrregullime psikologjike, me disbalanc emocional dhe me telashe interpersonale…”, deklaroi psikologia.
Vlen të theksohet, se në një intervistë të vitit 2011 në një gazetë amerikane psikiatri amerikan Reef Karim tha: “Fëmijët e vegjël sot nuk duan të jenë mjekë apo avokatë. Ata thjesht duan të jenë të famshëm”
Për ta dëgjuar intervistën e plotë, klikoni në linkun e mëposhtëm:
