Një tërmet me magnitudë 4.7 ballë të shkallës Rihter është regjistruar mëngjesin e sotëm në jug të ishullit grek të Korfuzit.
Tërmeti është regjistruar në orën 07:20 të mëngjesit, ndërsa epiqendra ka qenë në thellësi 9.2 kilometra.
Agjencia Greke për Planifikimin dhe Mbrojtjen nga Tërmetet (OASP) njoftoi se në orët e para të mëngjesit ka ndodhur një tjetër tërmet me magnitudë 3.5 ballë të shkallës Rihter dhe epiqendra ka qenë 20 kilometra në jugperëndim të ishullit Otoni.
Sipas informacioneve të para, tërmeti është ndjerë edhe në Shqipëri.
Për momentin nuk ka informacione për dëme dhe viktima.
