Nënkryetari i Komunës së Prishtinës, Alban Zogaj ka prezantuar projektin “Prishtina Smart City”, që ka për qëllim zhvillimin e një infrastrukture digjitale të avancuar për kryeqytetin.
Projekti “Prishtina Smart City” do të përfshijë sisteme që monitorojnë qarkullimin e veturave, menaxhojnë trafikun, masin cilësinë e ajrit, implementimin e teknologjive të reja dhe sistemeve të menaxhimit që do të ndihmojnë në përmirësimin e shërbimeve publike dhe cilësisë së jetesës, duke e bërë Prishtinën më moderne dhe të qëndrueshme.
Zogaj theksoi se “Prishtina Smart City” është një hap i rëndësishëm për zhvillimin e kryeqytetit dhe do të shërbejë si model për qytetet e tjera.
