“Ne jemi ende aktivë”, Izraeli zotohet të vazhdojë me sulmet
Ndërsa presidenti amerikan, Donald Trump foli për mundësinë e përfundimit të luftës së shpejti, kryeministri i Izraelit Benjamin Netanyahu është zotuar të kryejë më shumë sulme.
Ai njoftoi se Izraeli do të “vazhdojë të godasë si në Iran ashtu edhe në Liban”.
Reklamë
“Ne po shkatërrojmë programin e raketave dhe programin bërthamor, dhe vazhdojmë t’i japim goditje të rënda Hezbollahut,” tha ai.
“Vetëm pak ditë më parë, eliminuam edhe dy shkencëtarë bërthamorë – dhe jemi ende aktivë”, citohet të ketë thënë ai.
Lufta filloi kur SHBA-ja dhe Izraeli nisën sulme ndaj Iranit, dhe komentet e Netanyahut vijnë pasi Trump tha se ka një “shans shumë të mirë” për një marrëveshje me Teheranin.
Ai gjithashtu udhëzoi ushtrinë amerikane të shtyjë “të gjitha sulmet ushtarake ndaj centraleve elektrike dhe infrastrukturës energjetike iraniane”.
Mirëpo, pretendimet e Donald Trump se paqja është më afër u hodhën poshtë menjëherë nga Irani dje./Reporteri.net/
Reklamë
