Ndahen edhe 1 milion e 713 mijë euro për infrastrukturën rrugore në Vushtrri

Komuna e Vushtrrisë ka ndarë 1,713,053 euro për infrastrukturën rrugore.

Kryetari i kësaj komune, Ferit Idrizi, sot ka nënshkruar kontratat për rregullimin e rrugëve “Avni Saraçi”, “Viciana”, “Bekim Berisha Abeja”, “Vëllezërit Feka” dhe ”Lumni Surdulli”.

“Në këto rrugë që njihen edhe si rrugë arterie të qytetit, parashihet të bëhet asfaltimi, zgjerimi i rrugës, ndriçimi me trupa statikë dhe infrastrukturë përcjellëse”, ka shkruar ai.