Influencuesja e njohur e TikTok-ut dhe modelja Nara Smith ka bërë publike se vajza e saj 2-vjeçare, Whimsy Lou, është diagnostikuar me kancer dhe po i nënshtrohet trajtimit që prej fundit të vitit 2025.
Në një deklaratë emocionale, 23-vjeçarja tregoi momentin kur ajo dhe bashkëshorti i saj, modeli Lucky Blue Smith, morën lajmin nga mjekët.
“Në atë moment m’u shemb zemra”, u shpreh Nara.
Sipas saj, mjekët konstatuan se sëmundja ishte përhapur, ndaj kimioterapia nisi menjëherë. Çifti nuk ka bërë të ditur se për çfarë lloji kanceri bëhet fjalë dhe nuk ka ndarë detaje mbi prognozën e vajzës.
Nara tregoi se përballimi i kësaj situate ka qenë edhe më i vështirë pasi në atë periudhë sapo kishte sjellë në jetë fëmijën e tyre më të vogël.
Nara dhe Lucky Blue Smith janë prindër të katër fëmijëve: Rumble Honey, Slim Easy, Whimsy Lou dhe Fawnie Golden. Familja e mbajti të fshehtë diagnozën për më shumë se gjashtë muaj, përpara se ta ndante publikisht.
