Deputetja e Lëvizjes Vetëvendosje, Shqipe Mehmeti Selimi, gruaja e Rexhep Selimit i cili është në mesin e personave që janë arrestuar nga Gjykata Speciale ka reaguar sot pasi u raportua se nuk kishe marr pjesë në protestën e organizuar nga Organizata e Veteranëve të Luftës për të kundërshtuar veprimet e Gjykatës Speciale.
Deputetja Selimi në një postim në Facebook shkruan po të protestën për diçka do të fillonte nga fakti se 82 deputetë kanë votuar pro themelimit të Gjykatës Speciale.
Ajo tutje thekson se nuk ishte familjarja e vetme që mungoi në protestë, por emri i saj u përmend vetëm që të sulmohet Lëvizja Vetëvendosje.
Lexoni të plotë postimin e saj:
Po të protestoja për diçka, do të filloja nga ky fakt:
82 deputetë votuan pro themelimit të Gjykatës Speciale:
30 nga PDK
34 nga LDK
18 nga partitë e komuniteteve pakicë.
Jam e sigurt se ndonjëri prej tyre ka qenë në protestë, duke protestuar ashpër kundër asaj që vetë e ka votuar.
E deri te padrejtësitë e fundit që po ndodhin aktualisht në Hagë, të cilat janë pasojë direkte e asaj vendimmarrjeje.
Nuk isha unë familjarja e vetme që mungova në protestë, por nga portalet u përmend vetëm emri im që të sulmohet Lëvizja VETËVENDOSJE!.
