Mohamed Salah shkruan historinë, bëhet golashënuesi më i mirë në historinë e Egjiptit

Mohamed Salah ka hyrë zyrtarisht në historinë e futbollit egjiptian, duke u bërë golashënuesi më i mirë i të gjitha kohërave me fanellën e kombëtares.

Egjipti regjistroi një fitore të thellë 5-0 ndaj Malavit, në kuadër të kualifikueseve për Kupën e Kombeve të Afrikës. Protagonisti kryesor i mbrëmjes ishte pikërisht ylli i Liverpoolit, i cili realizoi dy gola, duke e çuar në 70 numrin e golave të shënuar me kombëtaren.

Me këtë arritje, Salah la pas rekordin e mëparshëm prej 69 golash, të mbajtur nga Hossam Hassan, i cili aktualisht është trajner i përfaqësueses egjiptiane.

Ajo që e bën edhe më të veçantë këtë rekord është fakti se Salah e arriti në vetëm 123 ndeshje me kombëtaren, ndërsa Hassan kishte nevojë për 176 paraqitje për të shënuar 69 gola.

Në vendin e tretë të renditjes historike të golashënuesve të Egjiptit pozicionohet Hassan El-Shazly, me 49 realizime.

Një tjetër kapitull i artë për Mohamed Salah, i cili vazhdon të konfirmojë statusin e një prej futbollistëve më të rëndësishëm në historinë e Egjiptit.