Përgatiti: Kastriot Tahiri
Veturë e markës së njëjte u parkua në po të njëjtin vend edhe të shtunën mbrëma, në Rrugën B në Prishtinë.
Por pronari me të shkuar tek vetuar e tij, hasi në një mjet të dyshimtë, për të cilin u tha se është mjet shpërthyes.
Por se a ishte eksploziv apo jo, ende nuk është bërë e ditur, madje një gjë e tillë nuk u tha as në raportin 24 orësh të policisë.
“Prishtinë / 17.02.2024 – 19:40. Viktima mashkull kosovar ka raportuar se person-a të panjohur dyshohet se i kanë montuar diçka të dyshimtë në veturën e tij të parkuar. Njësit relevante policore, zjarrfikësit, ndihma e shpejtë dhe prokurori kujdestar për krime të rënda kanë dalur në vendin e ngjarjes, ku njësiti i EOD-së kanë bërë tërheqjen e mjetit të dyshimtë nga vetura, në mënyrë të sigurt dhe pa incidente”, thuhet në raportin e Policisë.
Gjatë ditës ATV, foli edhe me zyrtarë të policisë për rajonin e Prishtinës, por ata nuk treguan nëse kanë marrë konfirmim nga njësia për deminim, se a ishte apo jo mjet shpërthyes.
Krejt kjo situatë e krijuar u pa me shqetësim nga banorët e kësaj lagjeje.
“Kemi dëgjuar për një mjet të dyshimte, në një veturë, kjo është shumë shqetësuese, sepse ka frekuentim të madh të qytetarëve. Është një pasiguri te qytetarët”, tha Ismet Hashani, banor në “Rrugën B”.
“Nuk ka ndodh më parë këso sene, edhe është shumë tragjike nëse ndodhin raste te tilla”, tha Elion Ademaj, banor në “Rrugën B”.
Pas largimit të automjetit nga policia, rruga ishte liruar për qarkullim, mbrëmjen e së shtunës.
Më shumë detaje i gjeni në Edicionin Qendror të lajmeve në videon më poshtë:
