Ministri Murati dhe përfaqësues të ASK-së raportojnë në komisionin për buxhet

Komisioni për Buxhet, Punë dhe Transfere do të mbajë mbledhjen e radhës, ku ndër të tjera është paraparë edhe raportimi i ministrit të Financave, Hekuran Murati, si dhe përfaqësuesit e Agjencisë së Statistikave.

Këta të fundit do të raportojnë lidhur me procesin e regjistrimit të popullsisë.

Mbledhja nis në orën 11:00, në Kuvendin e Kosovës, ku është paraparë edhe votimi i kërkesës së RTK-së për ndarjen e mjeteve për periudhën tetor-dhjetor 2023, vazhdimi i shqyrtimit të raportit vjetor financiar të Autoritetit Rregullator për Shërbime të Ujit për vitin 2022, por edhe Projektligji për administrimin e procedurave tatimore.