Bashkimi Evropian ka bërë të ditur që emisarit të BE-së për dialogun Kosovë-Serbi, Miroslav Lajçak, është propozuar që t’i zgjatet mandati edhe për pesë muaj të tjerë.
Zëdhënësja e BE-së, Nabila Massrali, në konferencën për media, ka bërë të ditur se propozimi është që Lajçaku të qëndrojë në pozitën e emisarit deri më 31 janar 2025 dhe vendimi pritet të merret nga Këshilli i BE-së.
Vetë Miroslav Lajçak konfirmoi muajin e kaluar se nuk është afër fundit të mandatit të tij, si i ngarkuar për t’u marrë me dialogun ndërmjet Kosovës dhe Serbisë dhe se puna e tij vazhdon.
