Liverpool ka vendosur që t’i jap fund bashkëpunimit me teknikun holandez Arne Slot,kjo pas një sezoni zhgënjyes për “The Reds”.
Sipas ekspertit të transferimeve Fabrizio Romano, lajmi u bë i ditur fillimisht në platformën X dhe më pas u konfirmua zyrtarisht. Klubi anglez ka vendosur ta ndërpresë menjëherë bashkëpunimin me trajnerin holandez, i cili kishte kontratë deri në verën e ardhshme.
Slot, 47 vjeç, kishte drejtuar Liverpoolin për dy sezone. Në sezonin e tij të parë ai arriti të fitojë titullin në Premier League, ndërsa në sezonin e dytë skuadra përfundoi në vendin e pestë, një rezultat zhgënjyes për klubin.
Si kandidat për pasues të tij po përmendet Andoni Iraola, aktualisht trajner i AFC Bournemouth. Trajneri spanjoll po ashtu është në radar edhe të Bayer 04 Leverkusen, gjë që e bën garën për shërbimet e tij edhe më të fortë.
E ardhmja e pankinës së Liverpool FC mbetet tani e hapur, me klubin që pritet të marrë vendim të shpejtë për trajnerin e ri.
