Kuvendi mban sot seancë, në rend dite tri projektligje dhe Raporti i Auditorit

Kuvendi i Kosovës do të mblidhet sot në seancë plenare, e cila është planifikuar të nis në orën 12:00.

Në rend dite janë shqyrtimi i tri projektligjeve dhe Raporti Vjetor i Auditimit të Buxhetit për vitin 2025.

Deputetët do të shqyrtojnë në lexim të parë projektligjet për Agjencinë e Menaxhimit të Emergjencave, Regjistrimin e Bujqësisë dhe Inspektoratin Qendror të Bujqësisë, Sigurisë Ushqimore, Veterinës dhe Pylltarisë.

Para tyre, në rend dite janë edhe propozimet për zëvendësimin dhe emërimin e anëtarëve të komisioneve parlamentare, si dhe miratimi i fushëveprimit të këtyre komisioneve.

Seanca do të përfshijë gjithashtu deklarimet jashtë rendit të ditës dhe pyetjet parlamentare.