Në Kuvendin e Kosovës nisi seanca e veçantë, ku do të diskutohet për situatën e krijuar në veri të vendit.
Në këtë seancë, deputetëve iu drejtuar fillimisht kryeministri i Kosovës, Albin Kurti.
Në fjalimin e tij, Kurti tregoi me emra personat e involvuar në sulmin ndaj KFOR-it si dhe drejtuesit e personave me maska që janë parë në protestat në veri.
“Personat e maskuar që ishin pjesë e protestës së dhunshme në Zveçan janë: Nikolla Agjiç, ka hedhur koktej molotovi në Zveçan dhe është prestar i organizatës kriminale serbe “Severna Brigada”’ Millan Zhivkoviç, po ashtu pjestar i të njëjtës organizatë, Danielo Krivokapiç, Iovica Lazoviç, Nikolla Radimiroviç, vëllezërit Stefan dhe Dejan Delkoviç. Kjo organizatë kriminale në rrjetet sociale ka postuar lajm që pjestarë të grupit mercenar rus “wagner” kanë arritur në Kosovë. Po ashtu, i njihur për lidhjet e tij me këtë grup paramilitar rus është edhe Damijan Knezheviç, i cili e drejton organizatën djathtiste “Narodna Patrolle”. Edhe ky ka paralajmëruar ardhjen e një grupi prej 50 personave nga Serbia në Kosovë. Damijan Knezheviç dhe organizata e tij, organizuar protestën e 18 dhjetorit të vitit të kaluar në afërsi të pikës kufitare në Jarinje, me ç’rast u patën identifikuar një numër i konsiderueshëm personash me simbole ekstremiste ruso-serbe. Personat e tjerë të përfshirë në sulmet ndaj KFOR-it, sepse është mirë që edhe vendorët, edhe ndërkombëtarët t’i dinë këta emra, se nuk i ka sulmuar populli serb, i kanë sulmuar milicia fashiste. Vladimir Radivojeviç, i cili ka njohje të drejtpërdrejtë me presidentin Vuçiq. Daniel Gjukiq, bashkë me një grup personash kanë gjuajtur shok-bomba. Këta janë pjesë e grupit të Millan Radiojeçiqit, të njohur për ndikim dhe veprimtari kriminale. Millosh Gjukiq, vëllai i Danielit. Këta dy vëllëër kanë raporte shoqërore me djaline presidentit Vuçiq”, tregoi Kurti. /atvlive.tv
Seancën mund ta ndiqni drejtpërdrejtë në videon më poshtë:
