Kombëtarja e Kosovës U21 ka bërë publike listën për ndeshjet kualifikuese të EURO 2027,ku “Dardanët e rinj”do të takohen kundër San Marinos.
Selektori Afrim Tovërlani ka ftuar 24 futbollistë për këtë ndeshje,ku janë të përfshirë edhe lojtarë nga Albi Mall Superliga e Kosovës dhe Liga e Parë me emra si: Altin Gjokaj, Diar Vokrri, Luan Lleshi, Arianit Hasani, Erion Sadriu, Elvir Gashijani dhe Igball Jashari.
Përndryshe Kosova U21 synon që nga kjo ndeshje të marrë pikët e plota,në mënyrë që të mbesë në garë për kualifikimin në evropianin e vitit 2027.
Kujtojmë që ndeshja Kosova-San Marino pritet të zhvillohet më 14 tetor në stadiumin “Fadil Vokrri”në Prishtinë me fillim nga ora 20:00.
