Përgatiti: Kastriot Tahiri
Mësimin e ndërprenë edhe sot në orën e tretë.
Për shkak të mungesës së lëndëve djegëse për t’i ngrohur klasat, nxënësit e shkollës “Musa Hoti”, kështu po veprojnë tash e një javë.
Për nxënësit, qëndrimi në shkollë ishte i pamundur.
Por, pa u zgjidhur problemi me ngrohjen, prindërit thonë se fëmijët nuk do t’i dërgojnë më në shkollë.
Tash jemi në fazën e dimrit, nxemje nuk ka fare, fëmijët po narthin. Pa nxemje fëmijën tim nuk e sjell në shkollë. Edhe shumica nuk janë për me ardhë po disa po vijnë e disa jo. Ju kisha lutë kushdo që e ka për detyrë me e pru”, tha Dibran Nebihi, prind.
Drejtoresha e Arsimit në Komunën e Mitrovicës, Drita Kadriu, pa dhënë detaje se përse është vonuar shpërndarja e peletit, tha se të enjten të gjitha shkollat janë të furnizuara me pelet.
Ndërkaq, ATV-ja ka tentuar të bisedojë edhe me drejtorin e shkollës Iset Beka, për të kuptuar nëse mësimi do të zhvillohet normalisht nesër, por ai nuk pranoi të flasë.