Për dy ditë me radhë në Kolegjin AAB u mbajt edicioni i tretë i Panairit të Karrierës dhe Punësimit, i cili përfundoi të shtunën.
Në të morën pjesë kompani të ndryshme, ndër të cilat ishte edhe PriBank, bankë kjo që është në vitin e dytë të punës.
“interesimi ishte i lartë. Jemi të kënaqur sepse është një mundësi e praktikës dhe punësimit në të ardhmen sepse jemi bankë që vetëm sa kemi startuar dhe kemi nevojë, pasi do të vazhdojmë të bëjmë hapjen edhe të degëve të tjera.”, tha Iliriana Matoshi-Agushi, menaxhere e burimeve njerëzore “Pribank”.
Veç tyre, për vitin e tretë me radhë, Play International sërish planifikojnë t’i bëjë pjesë të stafit studentët e Kolegjit AAB.
Pjesë e panairit ishin edhe disa spitale, që tashmë kanë të punësuar ish-studentët e Kolegjit AAB.
Në Panairin e Karrierës dhe Punësimit të organizuar nga Kolegji AAB, morën pjesë rreth 60 kompani./atvlive.tv/
