PËRGATITI: BENITA ZENELI
Që nga miratimi i Ligjit për hetim parlamentar në vitin 2010, janë formuar mbi 14 komisione hetimore parlamentare.
Ndërkohë vetëm në legjislaturën e 8 deri më tani janë themeluar 6 komisione hetimore derisa në pritje janë edhe 2 të tjerë.
“Kjo legjislaturë përbën numrin më të madh të komisioneve të cilat nuk kanë arritur të dëshmojnë ose ta kryejnë mandatin mbi të cilin është themeluar ai komision hetimor. IKD-ja e vlerëson edhe si jo etike e jo kushtetuese”, deklaroi Naim Jakaj nga Instituti i Kosovës për Drejtësi.
“Shumë shpesh nuk kanë arritur as të përfundojnë çështjet ligjore të fillojnë dhe zhvillojnë hetimet lëre më ta përfundojnë me një raport përfundimtar. Më tepër I kanë përdorur komisionet si platformë për shprehje të opinionit sesa për çështjen që është ngritur”, tha Arbër Thaçi nga Instituti Demokratik i Kosovës.
Opozita po vazhdon të propozojë themelimin e komisioneve hetimore ani pse ata nuk po përkrahen nga pushteti siç ndodhi edhe së fundi me komisionin për rezervat shtetërore, që u themelua por nuk solli rezultat.
Andaj ligji për hetim parlamentar po vlerësohet se duhet të ketë ndryshime.
Sipas ligjit, komisionet hetimore themelohen detyrimisht, në seancë plenare nëse parashtrohet kërkesa e nënshkruar nga një e treta e deputetëve, apo 40 deputetë. Në rast se nuk figurojnë 40 nënshkrime në kërkesë, atëherë komisionet mund të ngritën me shumicë të thjeshtë të votave të deputetëve të pranishëm.
Ndërkohë mandati i Komisionit nuk mund të jetë me i gjatë se 6 muaj./atvlive.tv/
Për më shumë ndiqni videon e mëposhtme:
