Deputetja e Aleancës për Ardhmërinë e Kosovës, Albena Reshitaj, njofton se gjatë ditës sotme (e mërkurë) është kërcënuar dy here.
Deputetja e Kuvendit të Kosovës, ka reaguar në Facebook se një herë është kërcënuar rrugës duke shkuar në punë dhe herën e dytë në zyrën e saj në Fakultetin e Mjekësisë.
“Unë sot jam kërcënuar dy herë. Njëherë rrugës duke ardhur në punë dhe e dyta në zyrën time në Fakultet. Le ta kuptoj kushdo që është pas që nuk munden me më kërcënua, shantazhua dhe që vendimet e mija do të jenë gjithmonë në të mirë institucioneve dhe qytetarit”, ka shkruar ajo.
