Është arrestuar edhe një person i cili dyshohet se i përkiste grupit i cili kishte bërë keqpërdorime me patentë-shofer në Pejë.
Policia dhe Prokuroria Themelore e Pejës para dy javësh kishte zhvilluar aksion në disa komuna si: Prishtinë, Fushë Kosovë, Pejë, Deçan, Istog.
Cak i këtij aksioni kanë qenë 10 persona, shtatë prej të cilëve janë arrestuar, ndërsa njëri prej tyre ishte liruar për shkaqe shëndetësore.
Kjo u konfirmua nga zëdhënësi i Prokurorisë Themelore të Pejës, Shkodran Nikçi.
