Një format i ri mediatik pritet t’i shtohet së shpejti programacionit të ATV, duke sjellë një kombinim të televizionit dhe radios në një eksperiencë të vetme komunikimi me publikun.
Emisioni “Ndërrimi i Dytë”, i cili do të transmetohet në ATV dhe do të moderohet nga Kaltrina Mikushnica, synon të krijojë një hapësirë të hapur diskutimi për tema që lidhen me përditshmërinë, duke vendosur në qendër zërin e qytetarëve.
Programi do të zhvillohet në një studio të konceptuar për ndërveprim të drejtpërdrejtë, ku publiku, përmes mikrofonit dhe ekranit, do të ketë mundësi të bëhet pjesë aktive e diskutimeve dhe debateve.
“Ndërrimi i Dytë” pritet të startojë së shpejti në ATV, duke ofruar një formë më të drejtpërdrejtë dhe bashkëkohore të komunikimit mes medias dhe audiencës.
Më poshtë mund të ndiqni edhe promon e emisionit:
