Ish-kryeshefi i Korporatës Energjetike të Kosovës, Nagip Krasniqi, i akuzuar për keqpërdorim të detyrës zyrtare, do paraqitet sot në sallën e gjyqit me fillim nga ora 09:30.
Në Gjykatën Themelore të Prishtinës, Krasniqi do të përballet me akuzat e Prokurorisë Speciale të Kosovës, që sipas saj, ai i ka shkaktuar KEK-ut dëm prej 3 milionë eurosh për shkak të tregtimit të energjisë elektrike me kompaninë sllovene “Holding Slovenske Elektrane”, e cila nuk ka qenë e licensuar në Kosovë.
Ndërkohë, Krasniqi është deklaruar i pafajshëm disa herë para trupit gjykues.
