24.2 C
Pristina
E shtunë, 13 Korrik, 2024

I akuzuar për krime kundër njerëzimit në Irak e në Siri, i mohon akuzat

Përgatiti: Nora Luta

Murat Dernjani, ish-pjesëtar i organizatës terroriste Shteti Islamik, nuk e ka pranuar fajësinë rreth akuzave për krime kundër njerëzimit ndaj vajzave të komunitetit jazid në Siri dhe në Irak.

Prokuroria Speciale e ngarkon Dernjanin edhe për dhunë seksuale, e sipas aktakuzës viktimat kanë qenë të mitura, dhe për këtë procesi gjyqësor në Gjykatën e Prishtinës, po zhvillohet i mbyllur për publikun.

Sipas aktakuzës së Prokurorisë Speciale, veprat penale u kryen gjatë konfliktit në Siri dhe në Irak, gjatë viteve 2014-2017. PSRK-ja gjatë hetimeve për Dernjanin, bashkëpunoi edhe me autoritetet e disa shteteve, sikurse Gjermania e Franca.

Pesë nga të mbijetuarat, sipas gjykatës, pritet të dëshmojnë në gjykimin ndaj Dernjanit, i cili ndodhet në paraburgim. Ndërkohë, këtë të enjte u mbajt seanca e shqyrtimit gjyqësor, pas asaj fillestare që ishte zhvilluar më 29 prill.

Referuar kërkesës tuaj për informata, ju njoftojmë se lidhur me çështjen penale për të pandehurin M.D, seanca e shqyrtimit fillestar është mbajtur me datë 29.04.2024, në orën 09:30.

Seanca fillestare në këtë çështje penale është mbajtur e mbyllur për publikun, në bazë të nenit 289 të Kodit të Procedurës Penale. I pandehuri M.D. nuk e ka pranuar fajësinë dhe konform rregullave të Kodit të Procedurës Penale, gjykata ka udhëzuar mbrojtësin dhe të pandehurin për kërkesën për hedhje të aktakuzës dhe kërkesën e kundërshtimit të provave në afat prej 30 ditësh. Në këtë çështje penale janë të propozuar të dëgjohen në cilësi të dëshmitarëve, pesë të dëmtuara/ viktima. Sot, me datë 20 qershor 2024, nga orën 09:30, ka filluar të mbahet seanca e shqyrtimit gjyqësor në këtë çështje penale.

Ish-pjesëtari i ISIS-it ishte dënuar me 5 vjet burgim nga Gjykata Themelore e Prishtinës për vepra penale që ndërlidhen me terrorizëm, pasi më 9 janar të vitit 2019, e kishte pranuar fajësinë për pjesëmarrje në grupe terroriste.

Ai akuzohej nga Prokuroria Speciale se gjatë 2013-s kishte udhëtuar drejt Turqisë, duke marrë me vete gruan dhe djalin e tij, me qëllim që t’i bashkohej ISIS-it.

Klikoni KËTU për t’u bërë pjesë e kanalit zyrtar të ATVLIVE.TV në Viber.

Bëni Subscribe në kanalin zyrtar të ATV-së në YouTube – Kliko KËTU

LAJME TË TJERA

spot_img
spot_img

PUBLIKUAR SË FUNDI

spot_imgspot_img
spot_img

LAJME TË TJERA