Një person ka pësuar lëndime të rënda pasi është goditur me thikë nga një i dyshuar, i cili është në kërkim nga policia.
Rasti ka ndodhur mbrëmë në Fushë-Kosovë, ndërsa në raportin 24-orësh policor thuhet se viktima ka pranuar trajtim mjekësor në QKUK dhe ndodhet nën sigurimin e Policisë.
Tutje, Policia njoftoi se rasti mbetet në hetime.
“Rr. Nëna Terezë, Fushë Kosovë 22.07.2025 – 21:00. Një mashkull kosovar, ka pësuar lëndime të rënda pasi është goditur me thikë nga i dyshuari mashkull kosovar. Viktima është transportuar në QKUK dhe vazhdon trajtimin mjekësor në sigurim nga policia ndërsa i dyshuari pas kryerjes së veprës është larguar nga vendi i ngjarjes dhe i njëjti është në kërkim të policisë. Me vendim të prokurorit është iniciuar rasti dhe mbetet në hetime”, thuhet në raportin 24 orësh të Policisë.
