Fushata zgjedhore për zgjedhjet lokale të 12 tetorit ka nisur zyrtarisht më 13 shtator.
Gjatë kësaj periudhe, subjektet politike dhe kandidatët për kryetarë komunash po zhvillojnë takime me qytetarët, duke dhënë premtime të shumta në rast se arrijnë të fitojnë mandatin, transmeton Telegrafi.
Ndërkohë, në Panelin Zgjedhor për Ankesa dhe Parashtresa (PZAP) kanë filluar të paraqiten ankesat e para nga subjektet politike.
Deri tani, janë dorëzuar disa ankesa, Lëvizja Vetëvendosje ka paraqitur ankesë ndaj Partisë Demokratike të Kosovës dhe Listës Serbe.
Partia Demokratike e Kosovës ka dorëzuar ankesë ndaj kandidatit të Vetëvendosjes për kryetar të Mitrovicës, Faton Peci.
Po ashtu, Lista Serbe ka bërë ankesë ndaj Lëvizjes Vetëvendosje.
Për momentin, PZAP nuk ka marrë ndonjë vendim lidhur me këto ankesa.
Fushata zgjedhore do të zgjasë deri më 12 tetor.m
