Freiburg dhe Aston Villa do të shkruajnë një kapitull të ri në historinë e klubeve të tyre, ndërsa një fitore në finalen e Ligës së Evropës do të kishte një rëndësi të jashtëzakonshme për të dyja palët.
Finalja do të zhvillohet në Stamboll, ku të dy ekipet vijnë pas një forme shumë të mirë në këtë garë. Freiburg ende nuk ka fituar kurrë një trofe të madh. Pas përfundimit në vendin e shtatë në kampionat, ata nuk kanë ndaluar së shënuari gola, duke eliminuar ekipe si Genk, Celta dhe Braga.
Ndërkohë, Aston Villa synon të fitojë trofeun e parë në 30 vjet. Pasi fitoi shtatë nga tetë ndeshjet e fazës së ligës për t’u renditur në vendin e dytë, Villa ka eliminuar më pas Lille, Bologna dhe Nottingham Forest në raundet eliminatore.
Trajnerët Julian Schuster dhe Unai Emery kanë publikuar formacionet zyrtare për finalen:
Freiburg: Atubolu, Kubler, Ginter, Llenhart, Treu, Eggestein, Hofler, Beste, Manzambi, Grifo, Matanovic
Aston Villa: Martinez, Cash, Konsa, Pau Torres, Digne, Lindelof, Tielemans, McGinn, Rogers, Buendia, Watkins
Ndeshja pritet të jetë një përballje e fortë taktike dhe një mundësi për të shkruar historinë e të dy klubeve.
