Në ditën e parë të Forumit të Paqes në Paris, sipas burimeve jozyrtare të ATV-së, kryeministri i Kosovës, Albin Kurti, nuk gjendet fare në Francë.
Kryeredaktori i ATV-së, Leart Hoxha, përmes një lidhje të drejtpërdrejt nga Parisi, në emisionin A LIVE në ATV, tha se burimet e njëjta kanë konfirmuar se, Kurti do të jetë prezent në Paris nesër nga ora 10:00, për të marrë pjesë në këtë forum.
“Kryeministri Kurti, sipas do burimeve tonat që ma konfirmuan jozyrtarisht para pak çastesh, nuk është nuk është në Paris, nuk është në Francë. Ai ka vazhdu me një agjendë e tjetër në kuadër të qëndrimit të tij disa ditor në disa vende evropiane, meqë edhe pas Francës nuk do të kthehet në Kosovë. Do të vazhdojë në Austri, kështu është plani, por, në Forumin e Paqes në Paris do të jetë nesër diku në ora 10:00. Ai parashihet të jetë pjesë e një paneli në kuadër të njërit prej katër programeve që janë në kuadër të Forumit të Paqes në Paris, e kryesisht të pritet të jetë pjesë e një programi që në fokus ka zgjidhjen e konflikteve në vende të ndryshme të botës, në fakt edhe tema e sivjetshme është gjetja e rrugëve të përbashkëta në një botë përplot rivalitete”, tha Hoxha.
Ai tregoi se në ndërtesën në Paris ku po mbahet Forumi i Paqes, nga liderët rajonal është i pranishëm kryeministri i Shqipërisë, Edi Rama, i cili është bërë pjesë e një prej paneleve kryesore të këtij forumi. /atvlive.tv
Për më shumë detaje, ndiqeni videon e më poshtme:
