Ka filluar takimi mes presidentes Vjosa Osmani dhe përfaqësuesve të veteranëve, të prirë nga kryetari i kryetari i OVL-UÇK-së, Faton Klinaku, raporton ATV.
Në këtë takim do të diskutohet lidhur me Ligjin për pagën minimale.
Klinaku, dje përmes një postimi në profilin e tij në facebook, ka thënë se këtë kërkesë e kanë bërë për shkak të lënies jashtë të kësaj kategorie në këtë ligj.
“Organizatat e dala nga lufta e UÇK-së, sot i kanë dërguar kërkesë për takim zyrtar Presidentes së Republikës së Kosovës Dr. Vjosa Osmani Sadriu, lidhur me çështjen e miratimit nga Kuvendi i Kosovës, të ligjit për pagën minimale, me anë të të cilit janë përjashtuar veteranët e luftës së UÇK-së”, thuhet në njoftimin e tij.
Ndërkaq, të shtunën që lamë pas, në Prishtinë u mbajt një protestë në mbështetje të kësaj kërkese për veteranët.
Nga pjesëmarrësit u deklarua se do të ketë edhe protesta të tjera në rast e ky ligj dekretohet pa marrë parasysh kërkesat e tyre. /atvlive.tv
