Enver Sekiraqa rikthehet në arrest shtëpiak
Enver Sekiraqa është rikthyer në arrest shtëpiak nga Gjykata e Apelit.
Sipas njoftimit të apelit Sekiraqës i është caktuar masa e arrestit shtëpiak prej 1 muaji e cila do të llogaritet nga data 23 shkurt të këtij viti.
Reklamë
“Gjykata e Apelit e Kosovës me aktvendimin PN1.S.nr.37/24, të datës 23.02.2024, e ka aprovuar ankesën e Prokurorisë Speciale të Republikës së Kosovës, ndërsa aktvendimin e Gjykatës Themelore në Prishtinë – Departamenti për Krime të Rënda, PKR.nr.170/2020, të datës 09.02.2024, e ka ndryshuar, dhe ndaj të pandehurit E.S është caktuar masa e arrestit shtëpiak në kohëzgjatje prej 1 (një) muaj, e cila do t’i llogaritet nga data 23.02.2024. Masa e arrestit shtëpiak të pandehurit i është caktuar konform dispozitës ligjore nga nenin 181 paragrafi 1 nënparagrafi 1.1 e 1.2 të KPPRK”, thuhet në njoftimin e Apelit.
Sekiraqa po akuzohet si shtytës për vrasjen e policit Triumf Riza, i cili u privua nga jeta në vitin 2007.
Reklamë
