Mbishkrime ofenduese ndaj popullit të Kosovës, para disa kohësh ishin parë nëpër rrugët e Durrësit, mirëpo këto mbishkrime tani po mbulohen me disa grafite nga një artist shqiptar.
Bledar Çakalli, një artist nga Shqipëria, në një lidhje të drejtpërdrejt për emisionin e mëngjesit “Alarm”, në ATV, foli për vetiniciativën, për t’i larguar këto mbishkrime.
Ai tha se këto mbishkrime është duke i mbuluar me “art”, siç tha ai, me figura të ndryshme kombëtare.
“Është një ngjarje shumë që sapo të hysh në Durrës ndodhën ato mbishkrime dhe kuptimi i tyre është “Kosova është Serbi” dhe mbishkrime sllave, për përçarje mes shqiptarëve dhe në fakt ishte për detyrë që të reagonim. I nisa me pak por që tani po bëj goxha punë që ato mbishkrime të kthehen në art po vazhdon edhe më tej. Ato mbishkrime tani po kthehen në art, me figura kombëtare, siç e nisa me mbretëreshën Teuta dhe do të vazhdojë me figura të tjera si Adem Jasharin, Agim Ramadanin, Skënderbeun etj.
Tutje, Çakalli shtoi se kjo nuk është hera e parë që mbishkrime të tilla vendosen nëpër rrugët e këtij vendi.
Për më shumë ndiqni intervistën në videon e mëposhtme:
