Dukagjini dhe Gjilani ndajnë pikët-Prishtina e Re shënon fitore të rëndësishme ndaj Ferizajt

Janë zhvilluar edhe dy ndeshje të tjera të xhiros së 20-të në Albi Mall Superigës së Kosovës në futboll.

Dukagjini dhe Gjilani kanë barazuar me rezultat 1:1,në një ndeshje e cila ishte e vështirë sa i përket terrenit.

Pjesa e parë nuk solli asgjë sa i përket rasteve të krijuara,ndërkohë që në të dytin u shënuan dy gola ku së pari Senad Jarovic realizoi për 1:0 në minutën e 60-të.

Kur u mendua se ndeshja do t’i takonte mysafirëve në skenë doli Vitor Hugo që barazoi në minutat për 1:1,që në fund doli të jetë rezultati përfundimtar i këtij takimi.

Në ndeshjen tjetër Prishtina e Re shënoi fitore tejet të rëndësishme ndaj Ferizajt,duke e mposhtur me rezultat minimal 1:0.

Drilon Fazliu ishte heroi i kryeqytetasve duke shënuar golin e vetëm në këtë ndeshje,që në fund doli të jetë i fitores për Prishtinën e Re.