Drita triumfon në spektaklin me shtatë gola

Drita ka marrë një fitore të rëndësishme ndaj Feronikelit ’74, në kuadër të javës së 14-të në Superligën e Kosovës, duke triumfuar me rezultat 4-3 në një ndeshje spektakolare me shtatë gola.
“Intelektualët” siguruan pikët e plota pas një përballjeje me shumë emocione, ku të dyja skuadrat arritën të shënonin nga tri herë para se vendasit ta vulosnin fitoren.
Reklamë
Feronikeli ’74 e nisi në mënyrën më të mirë takimin, duke kaluar në epërsi që në minutën e dytë me anë të Albin Prapashticës.
Megjithatë, Drita reagoi në minutën e 16-të, kur Besnik Krasniqi realizoi pas një aksioni të shpejtë, duke barazuar rezultatin në 1-1.
Vetëm shtatë minuta më vonë, Eduard Rroca përmbysi shifrat në favor të vendasve, pas bashkëpunimit me Krasniqin.
Skuadra nga Drenasi nuk u dorëzua dhe në minutën e 37-të arriti të barazojë rezultatin përmes Ibrahim Cërvadikut, i cili shënoi pas asistimit të Prapashticës.
Në fillim të pjesës së dytë, konkretisht në minutën e 48-të, Blerim Krasniqi riktheu epërsinë e Dritës, pas asistimit të Oniks Grezdës.
Por Feronikeli ’74 reagoi sërish dhe në minutën e 54-t barazoi shifrat në 3-3, me Lorik Dobratiqin që dërgoi topin në rrjetë.
Golin e fitores për Dritën e realizoi Oniks Grezda në minutën e 61-të, duke vulosur një triumf të rëndësishëm për skuadrën gjilanase.
Me këtë fitore, Drita ngjitet në kuotën e 27 pikëve dhe renditet në vendin e tretë në tabelën e Superligës së Kosovës. Në anën tjetër, Feronikeli ’74 mbetet në pozitën e shtatë me 15 pikë.
Reklamë








