Se vajzat e Pejës ja kanë anën dhe shkëlqejnë kudo, këtë e dëshmon edhe Greta Dreshaj. Dizajnerja pejane ka arritur një sukses të radhës në botën e modës.
Ajo ka qenë pjesëmarrëse në “Paris Fashion Week”, krah emrave më të shquar të kësaj industrie. E shkolluar në Milano të Italisë, Greta është një gërshëtim mes të bukurës dhe të diturës.
Java e Modës në Paris ka përfshirë mbi 100 shfaqje ku janë përzgjedhur shtëpitë më të mira të modës si Channel, Christian Dior dhe Yves Saint Laurent, si dhe stilist më pak të njohur.
Ndërsa, për të qenë pjesë e kësaj natë spektakolare, ftesa Gretës i ka shkuar prej agjensionit të cilët janë çdo herë në kërkim të brendeve të reja.
Theksojmë se prej Kosovës ka marrë pjesë vetëm dizajnerja pejane me brendin e saj UNIKKO.
Kjo sfilatë është mbajtur në Westin Paris në Place Vendome që është shesh ikonë i cili është i ndërtuar në mënyrë elegante dhe është njëra nga shtëpitë më të shtrenjta në Paris.
