Hap pas hapi, nxënësit e gjeneratës së shtatë të “The British School of Kosova”, arritën në ditën e diplomimit të tyre.
Të emocionuar e krenarë, secili prej tyre po priste që emri t’i thirrej, e diplomën e shkollës së mesme të lartë, ta marr.
Duke i quajtur gjeneratë e artë, drejtori i shkollës Lulzim Tytynxhiu, tha se avancimi akademik është celës i rëndësishëm i të ardhmes.
Më e emocionuar për përcjelljen e kësaj gjenerate ishte kryemësimdhënësja e nivelit të mesëm të lartë të “The British School of Kosova”, Liridashe Vaka, e cila mes tjerash iu uroi secilit prej tyre fat në të ardhmen e tyre.
Ndërkaq mirënjohes për stafin menaxherial të shkollës por edhe mësimdhënësit, ishin nxënësit.
Për nxënësit e dalluar, u ndanë edhe mirënjohje.
Ndërsa krejt në fund të gjithë u argëtuan duke marr me vete kujtime e momente të paharruara.
Të gjithë këta prindër, familjarë e pedagogë u mblodhën për të festuar ceremoninë e diplomimit të nxënëseve të gjeneratës së shtatë në Institucionin edukativo-arsimor, “The British School of Kosova”.
Gjatë ceremonisë u ndanë mirënjohje për nxënësit e dalluar, gjenerata e klasave të 12-ta u prezantua një nga një duke përfunduar zyrtarisht shkollimin e mesëm tëlartë me suksese akademike, sociale dhe personale.
Ata të cilët kontribuan në dijen e nxënëseve po ndihen krenar dhe thanë se me të vërtetë janë një gjeneratë e shkëlqyer.
Plot emocione u përcollën në natën e fundit të tyre, ku nxënësit u shprehen jashtëzakonisht mirënjohës.
Ceremonia u përmbyll me aheng dhe një atmosferë mbresëlënëse./atvlive.tv/
Për më shumë klikoni në linkun e mëposhtëm:
https://youtu.be/N1BZ3BfL5cA?si=R8aHQHJLCfgK3ntV
