Policia e Kosovës ka njoftuar se sot rreth orës 04:00, kanë pranuar informatën për një incident zjarri në rrugën “Shaqir Igrishta” në Prishtinë, ku janë djegur tri vetura, një kamionetë dhe një rimorkio.
Zëdhënësja e Policisë së Kosovës për rajonin e Prishtinës, Flora Ahmeti ka thënë se në vendngjarje kanë dalë zjarrfiksit dhe policia të cilët janë marrë me rastin.
“Zjarri është lokalizuar, nuk është raportuar për ndonjë person të lënduar. Hetuesit policor në koordinim me prokurorin po kryejnë veprimet e nevojshme hetimore”, tha ajo.
