Pierre Agostini, Ferenc Krausz dhe Anne L’Huillier ndajnë çmimin prej 823,000£ për punën në dinamikën e elektroneve në materie
Tre shkencëtarë janë nderuar me çmimin Nobel 2023 në fizikë për punën e tyre në krijimin e pulseve jashtëzakonisht të shkurtra të dritës që mund të shfrytëzohen për të studiuar proceset që ndodhin brenda atomeve dhe molekulave, shkruan The Guardian.
Pierre Agostini, Ferenc Krausz dhe Anne L’Huillier ndajnë çmimin prej 11 milionë korona suedeze (823,000 £) të shpallur të martën nga Akademia Mbretërore Suedeze e Shkencave në Stokholm.
Çmimi i këtij viti është çmimi i 117-të Nobel që jepet në Fizikë që nga viti 1901. L’Huillier është vetëm gruaja e pestë që fiton këtë çmim.
Duke folur në konferencën për shtyp, L’Huillier tha se ishte duke dhënë mësim kur mori telefonatën se kishte fituar çmimin Nobel në fizikë.
“Gjysmë ora e fundit e leksionit tim ishte e vështirë për t’u mbajtur,” tha ajo. “Siç e dini, nuk ka aq shumë gra që e marrin këtë çmim, kështu që është shumë, shumë i veçantë,” shtoi ajo.
