Christian Pulisic në radarin e klubeve të Premierligës angleze

Sulmuesi amerikan Christian Pulisic mund të largohet nga gjiganti italian Milan në fund të sezonit.

Pulisic është vënë në radarin e shumë klubeve në Evropë,ku vlen të theksohet interesimi nga gjigantët e njohur nga Premierliga angleze.

Përndryshe mediumi anglez TeamTALK bën të ditur se Tottenham, Liverpool, Arsenal dhe Manchester United kanë hyrë në garë për shërbimet e amerikanit,teksa në anë tjetër tek rossonerët nuk e përjashtojnë mundësinë që Pulisic të largohet nga San Siro,megjithatë Milan do ta lejonte vetëm në rast se do të vinte një ofertë që të kompensojë me fitim investimin prej mbi 20 milionë eurosh të bërë për transferimin e tij.

Kujtojmë që Christian Pulisic në 20 ndeshje të zhvilluara për Milanin në të gjitha garat ka realizuar 10 gola e bëri 2 asistime.