Reperja e njohur amerikane Cardi B është bërë nënë për herë të tretë, duke sjellë në jetë një vajzë.
Kjo u bë e ditur nga vetë artistja, derisa ndau edhe fotot e para të vogëlushes nga spitali.
Reperja e kishte bërë të ditur shtatzëninë e saj vetëm muajin e kaluar, mes procedurave të divorcit me partnerin e saj prej shumë kohësh Offset.
Offset ishte po ashtu i pranishëm në spital, sipas fotografive që publikoi Cardi B, derisa ai pozonte me të porsalindurën e tyre.
Në spital ishin po ashtu edhe dy fëmijët e tjerë të tyre.
Offset tani është prind i gjashtë fëmijëve me katër gra të ndryshme.
Ai dhe reperja do të vazhdojnë tutje me procedurat e divorcit.
