Bruno Fernandes vazhdon të shkëlqejë me fanellën e Manchester United, duke hyrë gjithnjë e më thellë në historinë e klubit legjendar nga “Old Trafford”.
Mesfushori portugez ishte vendimtar edhe në javën e 34-të të Premier League, ku kontribuoi me një asistim në fitoren 2-1 ndaj Brentford. Ky ishte asistimi i tij i 19-të në kampionat këtë sezon, duke e afruar shumë pranë një rekordi historik të ligës për një edicion të vetëm.
Por arritja e tij nuk ndalet këtu. Me këtë performancë, Fernandes ka barazuar një tjetër shifër mbresëlënëse brenda klubit, duke arritur në total 140 përfshirje në gola në Premier League, 70 gola dhe 70 asistime. Kjo është e njëjta shifër që kishte regjistruar legjenda Cristiano Ronaldo gjatë periudhës së tij te Manchester United, 103 gola dhe 37 asistime.
Me edhe katër ndeshje të mbetura deri në fund të sezonit, gjithçka tregon se kapiteni aktual i “Djajve të Kuq” jo vetëm që do ta kalojë këtë rekord, por edhe do të vulosë emrin e tij si një nga figurat më të rëndësishme të epokës moderne të klubit.
