​Blinken bisedoi me liderin palestinez, shpreh ngushëllime për jetët e civilëve të humbur

Sekretari amerikan i Shtetit Antony Blinken bisedoi të martën me presidentin e Autoritetit Palestinez Mahmoud Abbas “për të shprehur ngushëllimet e tij më të thella për jetët e civilëve të humbur në shpërthimin në spitalin Al-Ahli në qytetin e Gazës.

Kjo u bë sot e ditur nga ana e zëdhënësit të Departamentit të Shtetit, Matthew Miller përmes një deklarate për media.

“Sekretari shprehu mbështetjen e vazhdueshme të SHBA-së për popullin palestinez, duke theksuar se terroristët e Hamasit nuk përfaqësojnë palestinezët apo aspiratat e tyre legjitime për vetëvendosje dhe të drejta të barabarta për dinjitet, liri, siguri dhe drejtësi”, thuhet në deklaratë.