BE kërkon nga Serbia arrestimin e të dyshuarve për sulmin në Banjskë

Bashkimi Evropian i ka kërkuar Serbisë të ndërmarrë pa vonesa hapa për arrestimin dhe ndjekjen penale të personave të dyshuar për sulmin në Banjskë.

Në një përgjigje për Euronews Albania, BE-ja ka shprehur keqardhje që autoritetet serbe ende nuk kanë ndërmarrë veprimet e nevojshme, ndërsa ka shprehur shqetësim edhe për pjesëmarrjen e Milan Radoiçiqit në një tubim elektoral në Serbi.

Sa u përket deklaratave të ministrit serb Ivica Daçiq për Prizrenin, Brukseli u ka bërë thirrje udhëheqësve politikë të përmbahen nga retorika nxitëse dhe të kontribuojnë në stabilitetin rajonal.