Bashkimi-Sigal Prishtina ndeshja kryesore e xhiros së 18-të në Procredit Superligën e Kosovës në basketboll

Kjo fundjavë pritet të sjellë xhiron e 18-të në Procredit Superligën e Kosovës në basketboll.

Ndeshja interesante pritet të zhvillohet në palestrën “Sezai Surroi”në Prizren,ku Bashkimi e pret Sigal Prishtinën.

Bashkimi synon fitore për të synuar pozitën e parë në renditjen tabelare,teksa në anën tjetër kryeqytetasit gjenden në krizë të rezultateve dhe synojnë me fitore të dalin nga kjo krizë.

Ndeshja Bashkimi-Sigal Prishtina pritet të zhvillohet të shtunën me fillim nga ora 17:00.

Të shtunën dhe të dielën pritet të zhvillohen edhe disa takime tejet interesante,ku GO+Peja e pret skuadrën e Rahovecit 029 kurse të dielën zhvillohen edhe dy ndeshje të tjera ku Vëllaznimi e pret Bora teksa kampioni Trepça luan kundër Golden Eagle Yllit.