Një rast i dhunës në familje është raportuar në Fushë Kosovë, ku një grua ka kërkuar mbrojtje institucionale pas presioneve psikologjike nga bashkëshorti i saj.
Sipas Policisë, ngjarja ka ndodhur më 12 shkurt rreth orës 12:00, kur viktima, rreth 36-vjeçare, është paraqitur në stacion policor dhe ka deklaruar se bashkëshorti, rreth 47 vjeç, ka ushtruar dhunë psikologjike ndaj saj për arsye xhelozie, pas realizimit të një fotografie me kolegët e punës.
Me urdhër të prokurorit, rasti është iniciuar si “Dhunë në familje”, ndërsa viktima ka kërkuar urdhër mbrojtës. Hetimet janë në vazhdim.
