Raportuesja për Kosovën në Këshillin e Evropës, Dora Bakoyannis, nëpërmjet një artikulli autorial të botuar në platformën “European Western Balkans” të mërkurën, deklaroi se asnjë vendi kandidat nuk i është kërkuar ndonjë herë që të përmbushë kaq shumë kushte për t’u anëtarësuar në këtë organizatë të rëndësishme evropiane sikurse në rastin e Kosovës.
“Asnjë vendi kandidat nuk i është kërkuar ndonjëherë të ndërmarrë kaq shumë reforma para se të sillet për debat mbi anëtarësimin në këtë organizatë. Kjo është ndoshta arsyeja pse 83 për qind e Asamblesë Parlamentare të Këshillit të Evropës votuan pro raportit”, shkroi Bakoyannis pas sulmeve që erdhen nga zyrtarët serbë pas raportit që rekomandon anëtarësimin e Kosovës./AP/
