Ashensorët në QKUK jashtë funksionit, pacientët ecin shkallëve

PËRGATITI: SARA SHEHU

Ashensorët në disa nga klinikat e Qendrës Klinike Universitare të Kosovës janë jashtë funksionit. Pacientët dhe përcjellësit e tyre ankohen se kjo situatë po u shkakton telashe në qarkullim. Derisa deputetë të opozitës e kritikojnë për menaxhim të dobët ShSKUK-në, ajo është e kënaqur me gjendjen e ashensorëve.

Në disa nga klinikat e Qendrës Klinike Universitare të Kosovës nuk funksionojnë ashensorët.

Si rrjedhojë pacientët në klinikën e Emergjencës, me gjendje të rënduar shëndetësore, detyrohen të ecin shkallëve.

“Është shqetësuese sidomos për të moshuarit, se ka raste ashensori ndalet në moment, madje ka pasur raste që kanë mbetur njerëzit.”

 

Kjo situatë po i shqetëson edhe familjarët e pacientëve, të cilët disa herë në ditë i frekuentojnë klinikat e QKUK-së, për t’i ndihmuar të afërmit e tyre të hospitalizuar.

“Është shumë problem me u ngjitë shkallëve e me zbritë. Duhet me punu ashensorët”.

Gjendje e njëjtë shihet edhe në Klinikën e Internos.

Këtë situatë, ish-Ministri i Shëndetësisë, Armend Zemaj, e quan keqmenaxhim.

“Kjo është një fatkeqësi se buxhet kemi, por kemi keqmenaxhim, mbikëqyrje nuk kemi, mungon përgjegjësia sepse pjesa e udhëheqjes është e paaftë. Kjo situatë krijon shqetësim për pacientët, madje edhe të shëndoshët sëmuren nga kjo situatë”.

Megjithatë, drejtoria e ShSKUK-së, përmes një përgjigje me shkrim i ka thënë ATV-së, se janë të kënaqur me gjendjen e ashensorëve.

“Gjendja e ashensorëve është e kënaqshme dhe janë me standard. Me numrin e tanishëm të ashensorëve të cilët të gjitha janë në funksion, nuk kemi hasur në kërkesa për ashensorë shtesë, apo që ka ankesa për numër të ashensorëve”.

Ndryshe, sipas Drejtorisë së ShKUK-së, ashensorët certifikohen nga kompania e cila është kontraktuar për servisim dhe mirëmbajtje të ashensorëve.

Klikoni KËTU për t’u bërë pjesë e kanalit zyrtar të ATVLIVE.TV në Viber.

Bëni Subscribe në kanalin zyrtar të ATV-së në YouTube – Kliko KËTU

LAJME TË TJERA

spot_img

PUBLIKUAR SË FUNDI

spot_imgspot_img
spot_img

LAJME TË TJERA