Një 32-vjeçar është arrestuar në Krujë të Shqipërisë pasi u kap në flagrancë duke kultivuar bimë narkotike.
Sipas policisë, shtetasi me inicialet F.K., banues në Thumanë, po kujdesej për 110 bimë kanabisi të mbjella në fshatin Miliskaj.
“Në kuadër të planit operacional ‘Koordinata’ dhe bazuar në informacionet e siguruara nga inteligjenca policore, shërbimet e Komisariatit të Policisë Krujë kanë goditur një tjetër rast të kultivimit të bimëve narkotike. Për këtë rast është arrestuar shtetasi F.K., 32 vjeç, i cili u kap në flagrancë duke u kujdesur për 110 bimët e dyshuara Cannabis Sativa në fshatin Miliskaj, Thumanë. Kontrollet në kuadër të këtij plani vijojnë.”, thuhet në njoftimin e Policisë.
